Khualtlawng Mawtaw Ih To Fala Hnen In Ting 1000 Lenglo Man Rittheih Sii An Kai

Myanmar ram , Kachin ramṭhen Hba Maw in Myitkyina karlah zinpi ah khualtlawng mawtaw ih to fala hnen in rittheih sii ting 1000 lenglo man palik pawlin an kaih ngah thu an than.

Palik pawl cun Hba Maw le Myitkyina karlah khualtlawng mawtaw sung ih to fala pakhat in rittheih sii tamzet a phur tiah thuhla an dong ih thuhla an don veten Bha Maw le Myitkyina karlak an pan cih. August 18 , zanlam nazi 4 hrawngah heknak thu an dong ih zansim hnuah Myintkyina khawpi kiang an thleng. Myitkyina khawpi luh hlante lamzin zir ah khualtlawng mawtaw ding an hmu ih rawl dawr ah a phurhmi pawl rawl an eiter caan a rak si.

Palik pawl cun mawtaw sung cu rangthei bikin an dap ciamco ih mawtaw dunglam tonak ah bek sungih retmi rittheih sii mum 36100 an hmu. Rittheih sii an hmuhmi cu tui dinhmun a man vek asile ting 1083 lenglo man a si. Palik pawl cun rittheih sii phurtu fala Khuang Htwe ( kum 23 ) cu an kai ih a palai Sai Mai ( kum 40 ) thawn daan loin rittheih sii tham le zuar thubuai an orhter a si. ( Akonthi )

Be the first to comment

Leave a Reply

Your email address will not be published.


*