KIA In Ralkap Sakhan An Urkang Sak Hnuah Nunau Ralbawi Tel In 9 An Kai

KIA le ralkap doawknak a dai thei hrih lo ih nitin rori in doawknak thuhla a um ringring. Tuitum ih an doawknak hmun cu mak danglam zetin Kachin ramkulh sungah a si lo ih Kachin le Sagaing ramri Khamti peng sungah a si.

Khamti myone ah ralkap pawl an hrang tuk cu mipi humhimtu pawl thawn an do aw ringring. Cuvek ah Khamti kiangte ih um KIA cu mipi humhim in an vatel ih Khamti myone sungih ralkap sakhan pakhat cu ,tuizing may 22 , zinglam nazi 4 hrawngah a va do. Ralkap lam an sung ih hriamhma tuar 3 an um. Cumi lo ralkap 9 cu KIA in an kai ngah ih cumi lakah ralbawi nunau pakhat a tel.

khuami pakhat cun “Zinglam nazi 4 hrawngah KIA cun ralkap sakhan cu an kap ih ralkap 3 hriamhma tuar an um. Ralkap dang 9 cu an kai ngah ih ralbawi nunau pakhat a tel. KIA in ralkap sakhan an urkang sak thluh hnuah hmundang ih ralkap cu vanzam in an ra ih bomb an thlak ciamco lawk nan, tu ahcun doawknak a reh hrih a si,” tiah Kachin thuthang a simthei. Khamti cu Sagaing tlunlam ih um a si ih Kachin ramri a si.

Be the first to comment

Leave a Reply

Your email address will not be published.


*