KNU In Ralkap Mawtaw Pahnih An Urkang Sak Ih Ralkap Ruang Latu Um Hrih Lo

Karen ramkulh Papun pengih KNU le ralkap doawknak ah KNU cun ralkap mawtaw pahnih an urkang thu le ralkap thi ruang 2 cu tutiang latu an um hrih lo thu thanak an nei.

May 27 ih an doawk tumah KNU cun anmah do dingih feh ralkap mawtaw cu lamzin ah an rak kap ih mawtaw pakhat an urkang sak. May 29 zingah KNU do dingin fehsal ralkap mawtaw dang pakhat cu KNU in an rak do hnuah an urkang sak bet. May 27 ni ih an doawk tum ah ralkap thizat felfai in theih a silo ih may 29 an doawk tum ahcun ralkap thi pahnih ruang cu a umnak kelah tuini tiang um in latu an um hrih lo thu KNU lamin thu an suah.

KNU tatmaha 5 le ralkap doawknak a nasat tuk bangin ralram dinhmun ah ralkap lam an sungih thi a um ringring cu khua sung lamah an cangvai phah ih Papun khua sungah mipi thil an laksak, a hringhro ,meithal an kap puak ciamco. Cumi ah khuami pakhat cu hriamhma bese tuk a tuar phah tiah KNU in thu an than a si.

Be the first to comment

Leave a Reply

Your email address will not be published.


*