Mindat Khawpi Ih Feh Hnakin Tiah Ralkap Bawi Pakhat Cu Ramleng Ah A Tlan

Ralkap in Mindat khawpi an lak ding zawngah ralkap tamzet cu hmundang in kuat an si ih may 15 sun ah Helicopter 5, ralkap mawtaw 6 le ralkap mipum 1000 in Mindat khawpi le mipi humhimtu cu an rak do. Mipi humhimtu lamin mipi zawn an ruat tuk ruangah dung an rak sipih ralkap cun Mindat khawpi cu an rak uk thok.

Yangon in Mindat khawpi ih feh dingah an fialmi ralbawi pakhat cu Mindat khawpi lamah feh duh loin mizoram lamah a tlanih Mizoram khua pakhat ah umhmun a khuar. Tu ah damlo harsa in an um cu Myanmar CDM dinpitu Mizoram pawlkom cun bomnak an va pe ih an thuhla an tarlangmi a si.

Myanmar CDM dinpitu pawlkom Mizoram cun “Ralkap Captain Cheif Commander ( kawl ) pakhat cu Yangon in Mindat khawpi ah feh dingin an fialmi a si ih mipi ziang sualnak nei lo kap duh lo ah Mizoram lamah an sungkua in an ra tlan. Tu ah damlo le harsa in an um ruangah Myanmar CDM dinpitu pawlkom Mizoram cun bomnak tangka kan hlan. Midang bawm thei dingih kan umnak cu bomnak petu mipi nanmah ruangah le Pathian ruangah a si,” tiah an tarlang.

Ralbawi cu a hmin le a hmuihmel langter lo a si ih zuk ih hmel lang sawn cu Myanmar CDM dinpitu pawlkom Mizoram sungtel in hruaitu pakhat a si.

Be the first to comment

Leave a Reply

Your email address will not be published.


*