Mipi Humhimtu In Ralkap Tank Mawtaw 2 Bomb An Puah Ih Ralkap 10 An Kap That

Tui dinhmun Myanmar ramsung ih buainak bik cu kaya ramthen Demoso myone a si. Demoso tlunah Kaya khawpi Loikaw kiangkap khalah mipi humhimtu PDF pawl an cangvai turu tuk.

Mani tihni lamih ralkap 20 that tlunah nungdam in 4 kai theitu kha an si ih palik sakhan hmun 2 an urkang zo. An cangvaihnak hmun pawl cu Demoso myone , Loikaw myone tlunah an ramri Moebay myone pawl ah a si.

Tuini may 25 khalah Demoso myone ah zingpit in an do aw zo ih zanlam tiang an do aw peh. Ralkap cun Demoso myone cu lak a tumih ralkap mipum a kuat tlunah mipi humhimtu cu tank hmangin a do phah. Asinan, Demoso myone ih mipi humhimtu pawl cu an rak rorum tuk ve ih, tuini ah ralkap tank 2 bomb an puah hnuah ralkap 10 tlun an thah zo thu DBV thuthang an simthei. Cutirual in anmah mipi humhimtu lamah mi 3 an thi ve zo.

Doawknak a sosang tukih mipi umnak khawsung tivek ah ralkap an cangvai phah cu mipi an him lo tuk. Kan dung khalah vanzam in mipi beunak biakinn bomb an rak thlak ih mi 4 an rak thih phah zo. Tukhalah mipi humhimtu lam cun Demoso ih ralkap sakhan pakhat cu lak bet tumin an do rero lai a si.

Be the first to comment

Leave a Reply

Your email address will not be published.


*