Mipi Humhimtu Le Ralkap Doawknak Ah Free Burma Ranger Pawl An Tel Ve

Kaya ramthen Demawso myone ah ralkap le mipi humhimtu doawknak a sosang zetih ni 2 peh in an do aw thlang. May 21 ,mani sun ah Demawso myone manaupaw kiangih Duty ralkap cu mipi humhimtu lamin an do ih ralkap lam 3 thi in mipi lam 3 an thi tiah ralkap cun thu an suah.

Mani may 21 ih doawknak

An doawknak ahcun ralkap lam an tam deuhdeuh tikah mipi humhimtu pawl dung an sip nan, ralkap sakhan cu an urkang sak man.

May 22

Tuini may 22 khalah Demawso ahcun ralkap le mipi humhimtu cu an do aw pehsal ih mipi humhimtu lamin Demawso khua luhnak ih ralkap sakhan cu do in an neh ih ralkap lam an tlan hnuah an urkang sak thluh.

may 22

Tuini an doawk ahcun khatlam khatlam in thi an um lo ih sakhan um ralkap 50 hrawng cu mipi humhimtu tih ah an tlan thluh man. Ralkap an tlan hnuah mipi humhimtu cun ralkap sakhan cu an urkang thluh.

Free Burma Ranger

May 22, sun zanlam nazi 4 hrawngin doawk thok an si ih mipi humhimtu lamin ralkap sakhan an lak thu le an urkang fel thu an than hnuah Free Burma Ranger ralthuam kai pawlkom khal in Kaya mipi humhimtu lamah tangin ralkap an do bawm thu ca an rak suah ve. Free Burma Ranger cu Karenni tikhal in theihmi an si ih US ralbawi hlun ih zirhmi ralthuam kai pawlkom pakhat an si.

Be the first to comment

Leave a Reply

Your email address will not be published.


*