Myanmar Ah Fala Nute In Pitar Pakhat Cu Thihnai Suak Ko In A Tuahmawh Ih An Kai

Tuini August 28, zanlam nazi 3 hrawngah Myanmar Yangon khawpi ah thilmak zet a thlengih phone theihhngilh ruangah fala le pitar cu thihnai suak koin an sual aw.

Yangon Pazundaung myone City mart dot hnihnak ah fala kum 20 nute in ekinn ah phone a theihhngilh ih zamrang zetin a theisuak sal cu phone la dingin ekinn a pan kirsal. Ekinn ah pitar kum 60 a rak um ih zoin phone a theihhngilh a ti zawngah fala thleng cu phone a pe nan “Tulai mino pawl cu daan le dun khal an nei lo” tiah a ṭongkhum. Cutikah fala nu cun a theihhngilh pang thu a sim ih ṭongkam an el aw cih.

An sosang deuhdeuh ih falanu cun pitar ih mitkharh lak sak in pitar ih hngawng a dawt ih a phone simcard phorhnak zumte thawn a dawt bet. Pitar cu thihnai tamzet suakin a um ih falanu taksa khalah thihnai tamzet a kai ve. Falanu cu a tlan nan, company hnaṭuan pawlin an kai ngah ih palik hnenah an ap.

Thilthleng thawn pehpar aw in Pazundaung palik pawl cun falanu cu an kol hrih ih pukmah 326 hmangin thubuai an tuahsak. Pitar cu Yangon mipi sizung ah luhpi cih le tuamhlawm rerolai a si ih dinhmun besia a si lo tiah theih a si.

Hrekkhatin suiṭhi cuh aw thubuai le suiṭhi lak sak tum thubuai tiin thlahtu an um nan, Falanu kaitu palik pawl cun suiṭhi thubuai a silo thu le phone theihhngilh ruangah thihnai suak phah ko buainak a si sawn thu Myanmar News Journal an simthei a si. ( Myanmar News Journal )

Be the first to comment

Leave a Reply

Your email address will not be published.


*