Myanmar Ah Rualbanlo Nunau Sualpitu Cu A Cangvaih Laiah An Kai Ngah

Myanmar ram Ayeyarwady ramṭhen Ngataichaung khawpi Myotit veng ah rualbanlo nunau sualpitu mi pakhat cu a cangvaih lai rori ah kaih ngah a si.

August 20 ,sun laiah rualbanlo nunau pakhat cu a sungte pawlin amah lawng inn ah an tan ih Mg Win Ko timi cun a sualpi. Sun ah veikhat a sualpi cu duhtawk men loin a zongsang ih zan nazi 7pm hrawngah veikhat sualpi sal dingin a pan. Tuiṭum cu rualbanlo nunau a sualpi tum rero ,a phelh rero laiah rualbanlo ih naupa inn a tlung cu a hmu ngah ih a thong hngal.

Mg Win Ko cu a thuamhnaw khal la man loin a tlan cih nan, palik theihter a si hnuah palik pawl cun a hnu reilote ah an kai ngah. Mg Win Ko khal Ngataichaung khua rualbanlo a sualpimi tei inn kiangih um a si ih kaih a si hnuah sualpi thubuai orhter le thawngthlak cih a si. ( Ayeyarwady Times )

Be the first to comment

Leave a Reply

Your email address will not be published.


*