Myanmar Ih Phurh Luh Dingmi Meithal Thatha Le Cerek Tam Nawn An Kai

Thailand ram Chaing Rai province Mae Sai khua ah Myanmar ramsung ih phurluh dingmi meithal tha tuk phunphun le cerek tam zet cu may 27 ni ah an kaih ngah thu Thailand ramri kil ralkap pawl cun thuthang phuanfiangnak an nei.

Ramri gate ah mawtaw parin ramri kantu ding Bus parah thuamhnaw an sanmi cu Thailand ramri kil pawl in ringhlel in an cek tikah meithal phunphun le cerek a rak si. Meithal an kaihi cu Riffles 14 le Pistol 13 a si ih cerek 46375 khal an hmu tel. Meithal le cerek phurtu cu Nang Sam Nam Won ( kum 33 ) le Kyaw Phyo an si.

Meithal le cerek cu ramri tiang lawng phur in Myanmar ram sung thlen dingah mi pakhat tangka 20000 baht in an ruai zo nan, Bus parih an san rero laiah kaih ngah an si.

Meithal le cerek zate man tarlang a silo nan, a man tam ding zia cu meithal le cerek zoh in a theihtheih. Kaihmi pahnih cu Thailand ralkap in daan loin ralthuam phurlut thubuai an tuahsak ding thu TV thuthang an simthei. Meithal le cerek pawl cu Myanmar Mipi humhimtu pawl hrang dingah ruah a si.

Be the first to comment

Leave a Reply

Your email address will not be published.


*