Myanmar Ralkap In Model Lemcangthiam Cu Lamzin Ah Mawtaw In An Pah That

Myanmar lemcangthiam le Model Htet Aung cu may 28 ,mizan ah Yangon Insein ah bike a mawng cu ralkap pawl in an rak kham dingih cawl duh loin a feh lan tikah ralkap cun mawtaw in an dum ih an pah that lawlaw tiah a sungte pawl hnenin theih a si.

Mit hmutu pakhat cun “Zan nazi 9 hrawngah a si. Insein Pauh-taw wah ah bike a mawng cu cawl dingin an rak kham ih a cawlh duh lo ruangah mawtaw in an dum cu an pah. Bike cu a soprop thluh ih Htet Aung khal harh loin a hmunah a thi cih a si,” tiah a ti.

A sungte pakhat khal in “Mipi ummen rori cu rapthlak tukin an that. Nan duh taktak a si ahcun ka nau kum 20 mi Htet Aung cu nung cingin nan kai thei tuk nan si. Thi ding khopin mawtaw ih pah that tengteng a tul lo. Ziang thu hman um loin duhtawk in mipi an that men cu a si ih hi ram ah ziangtin kan um peh vivo ngam ding? ziangtin leng kan suak ngam ding,” tiah a ti.

Htet Aung cu Stars & Models Inti’l Yangon ih zirsuak a si ih Mister Global Teen Myanmar 2017 ah le Princess International Myanmar 2017 Winner ah pakhatnak ngahtu a si. Tu ah a ruang cu Insein sizung ah an ret hrih ih may 30, thaisun ah vuinak an nei ding a si.

Be the first to comment

Leave a Reply

Your email address will not be published.


*