Myanmar Ram Democracy Ngah Dingin A Zuam Rero Dan Reltu US President Biden

US President Joe Biden cun Myanmar ram buainak a ngaihtuah zet thu, kaihmi pawl a seherh zet thu pawl cu S.Korea President Moon Jae-in thawn an an tonawk tumah a rel ih Myanmar ram Democracy ngah dingin a zuam rero dan khal a rel tel.

USA president Joe Biden le S.Korea President Moon Jae-in cu may 22,2021 , ah US Washington DC ah tongaw an si ih an tonawk caan ah media pawl thusuhnak caan on in US president Biden in Myanmar thuhla a relmi a si. Ram pahnih president cu N.Korea thuhla ah tongaw an sinan, Myanmar ram thuhla ah mallai an rel tel.

US President Joe Biden cun “Keimai bulpak hmuh dan le pom dan khalah mipi ren lo tukin dekcok rerotu Myanmar ralkap pawl an cangvai dan le mipi lakah ralthuam an hmang ciamco cu ka mawhthluk tuk lawlaw. Curuangah Myanmar ram in Democracy a ngah theinak dingah, kaihmi pawl thlah zalen an si theinak dingah le ralkap in mipi an thah reronak pawl tawp dingin nornak kan nei vivo dingih theitawk kan cangvai vivo ding. Cumi rualrual in ramdang pawl khal Myanmar ralkap hnenah ralthuam zuar nawn lo dingin le harsa Myanmar mipi cu cohlang dingah ka lo forh duh a si,” tiah a ti.

Be the first to comment

Leave a Reply

Your email address will not be published.


*