PetroChina In Tlangparmi Donak Hrang Ralkap Ih Hman Ding Vanzam Datsi A Kuat

Myanmar ralkap in tlangpar ralthuam kai le tlangpar miphun donak ih an hman dingmi vanzam datsi cu Petrochina hnen in an lei tiah felfai in theih a si ih an leiawk dan le kuat dan pawl felfai in hmuhsuak a si.

Ralkap leimi vanzam datsi le Oil cu MT Yu Dong lawngpi in April 15 ah Myanmar ram panpi in a phursuak. A phurhsuahmi ah vanzam datsi 13,300 tonnes a tel ih mawtaw datsi 4,000 tonnes a tel. Cumi cu ralkap in tlangpar ralthuam kai le tlangpar miphun donak ih an hman dingah a si tiah Justice for Myanmar cun thu an suah. Ziangahtile ,Myanmar ralkap cun KIA ,KNU tlunah Mindat mipi humhimtu pawl lawng cu vanzam in a domi an si hrih.

Ralkap in Petrochina hnen in a leimi vanzam datsi le mawtaw datsi lakin vanzam datsi phurtu mawtaw 7 cu KIA in May 17 le may 18 ah a rak kap siatsak ih a urkang sak thluh. Mawtaw datsi phurtu mawtaw 2 cu may 19 ni ah a urkang sak bet. Hitin ralkap in Petrochina hnenin vanzam datsi le mawtaw datsi a leimi cu a cem pei maw tiah felfai in theih a silo. Asinan, Vanzam datsi le mawtaw datsi pawl cu Kachin le Karen ram lamih kuat a si ruangah thlengsuak lo dingin KIA le KNU pawlin an rak bawh ringring ve a si.

Be the first to comment

Leave a Reply

Your email address will not be published.


*