Pyithusit Pa In Thupten Ralkap 50 A Sawm Ih KIA 4 An Thih Phah

Kachin ramkulh Phakan myone Shiaduyut khua ah ralkap lamtang Pyithsit pakhat cu may 26 , zanlam nazi 3 hrawngah KIA pawl in ret tha lawlaw dingin a inn ah an va sim cu Pyithusit Zaw Min Thant in thupten ralkap a rak sawm cia ih KIA 4 an thih phah.

Zaw Min Thant cu thupten ralkap thawn tuantlang a si tlunah ralkap khal in an hum zetmi a si ih rittheih sii zuar thupin hlawknak a ngahmi pawl cu ralkap a zem ve theu. Cumen siloin KIA pawl cangvaih tum dan a theihmi cu ralkap pawl simthup theutu a si ih thu a theihtheihnak dingah amah khalin midang cu sumpai hmangin a fial sawng vivo. Cuvek ruangah KIA pawl cu a inn ah an feh in ret that lawlaw an tummi a si.

Asinan, a inn ah KIA pawl an ra ding timi cu a rak thei cia ih ralkap 50 sawm in an rak bawh. KIA 7 cu mawtaw pakhat mawngin Zaw Min Thant inn an va pan ih a hmuan kulhsung an luh veten ralkap cun an rak kap ciamco hngal. KIA 7 lakin 3 cu an tlansuak man nan, 4 cu rinloparal in ralkap lamin an kah tikah an tlan man loih a hmunah an thi. An ruang pawl cu KIA in an la fel zo.

Khuami pakhat cun “KIA an ra ding timi cu phyithusit Zaw Min Thant in a rak thei cia. Cumi ruangah ralkap 50 hrawng a sawm ih a inn cun an rak bawh. KIA 7 cu mawtaw in an ra ih Zaw Min Thant hmuan sung an luh veten ralkap in an rak kap hngal. Cumi ah KIA lam 4 an thi a si,” tiah a ti.

Pyithusit timi cu hlanlai ralkap san ah khawtin ih kan rak neihmi kan tong cun khua kilhimtu pakhat an si. Tui dinhmun lai khua tivek ah Pyithusit kan nei tuk nawn lo nan, Myanmar ramsung hmun hrekkhat ahcun an nei lai ih an hmang rero lai. Pyithusit cu khua mipi lole khawlal ih hril theumi an si ih Zaw Min Thant cu khua mipi le KIA phatsat in ralkap lamtang tinak a si,.

Be the first to comment

Leave a Reply

Your email address will not be published.


*