Rakhine Ramkulh Sungah Tlawng Hminpe An Tam

Tuitum kan ram buainak ah mak danglam zetih cangvai lo hmunram pakhat cu Rakhine ramkulh a si. Ralkap uknak duh loin lamzawh duhphorhnak nei khal an um lo ih CDM tuah tivek khal a tul lo tiah thu an suah men.

Tuini may 24 cu ralkap cozah in ramsung phun hrek in phun 10 tiang tlawngkai dingah tlawng hmin pek thok ni tiah thu a suahnak a rei zo ih may 31 tiang tlawng hmin pek caan a ong. June 1 in tlawngkai thok dingah thu a suahmi a si ih Myanmar ramsung hmundang ah tlawng hminpe an mal.

Yangon, Mandalay ,Sagaing tlunah Chinram sung khalah tlawng hminpe an mal tukih hrekkhat tlawng cu tlawng hminpetu um lo lawlaw an tam. Tlawng hminpe hrekkhat khal ralkap le palik innsang , ralkap le palik pawl ih sungte ,CDM tuah lo cozah hnatuan pawl ih fale pawl tlunah USDP party tantu pawl an si. Asinan, cuvek khal mal tuk rori an si hrih. Rakhine ahcun tlawng hminpe cu ram buainak um lo bangin an tam tuk tiah BBC cun a tarlang.

Rakhine ramkulh ih party politics siseh an ralthuam kai pawl siseh an miphun an fehpi dan cu miphun dang le Myanmar ramsung hmundang ih um pawl hrang theihthiam harzet a si. Ralkap le AA khal 2020 ,November thla in tuini may 24 tiang an do aw hrih lo. Kachin le Karen lamih AA timi khal Rakhine ralthuam AA siloin ralthuam kai pawlkom dang an si.

Be the first to comment

Leave a Reply

Your email address will not be published.


*