Rakhine Ah Covid 19 Nat Nei Ta Phone Ruktu Cu Phuangaw Hngal Dingin Theihter A Si

Covid 19 natnak in Rakhine ram a nuai laiah caanṭha bawh ih rukru a rak um ve ih covid 19 nat nei ta phone a ruk ngah ruangah zamrang zetin phuang aw dingah theihter a si.

Tui dinhmun Rakhine ram ih covid 19 nat tambiknak Sittwe sizung ah Nures pahnih ih phone cu mizan ah ruk a si ih zoin a ru  timi cu tuini tiang kaih a si hrih lo. Nurse pahnih sawn cu covid 19 nat nei tuamhlawm an si ruangah covid 19 nat an nei ve maw tiah cek fel an si ih tuizing August 26 ah covid 19 nat an nei timi hmuhsuah a si. Myanmar harhdamnak zung cun tuizing ah Myanmar ah covid 19 nat nei 70 an um thu a than ih an lakin pakhat lawng cu Yangon ih um  a si. Culo hmuahhmuah cu Rakhine ramkulh sungin um an si ih Sittwe ih nurse pahnih khal an tel ve.

Nurse pahnih in covid 19 nat an neih ruangah an phone khalah covid 19 nathrik a bet zum zet a si ih an phone rutu cu dinhmun him lo zetah a um. Phone rutu lawng siloin phone rutu kiangkap ih um pawl khal an him lo thluh. Curuangah phone rutu cu a rang thei bikin phuang aw dingin , nathrik cekfel dingin le kharhkhumnak hmun pan lohli dingah theihter a si.

August 26 zan ah Myanmar ah covid 19 nat thei thar mi 6 hmuh bet an si ih nathrik hmuhmi zaten 580 a si thlang. Cumi sungah thi 6 le damsal 345 an um. Tui dinhmun sizung ih tuamhlawm reromi cu 235 an si.

Be the first to comment

Leave a Reply

Your email address will not be published.


*