Ralkap Hnenih Thuthup Simtu Dalan Nupa Cu Meithal In Kah An Si ih An Pa Sawn Thi

Sagaing ramthen Taze myo mahamyaing veng ih U Thein Shwe Aung le a nupi Chaw Suh cu ralkap hnenih thuthup an sim ringring ruangah mipi humhimtu lam cun tuini may 23, zinglam nazi 8:15 hrawngah inn sung an umlai cu meithal in an kap ih an pa sawn a thi.

U Thein Shwe Maung cu Taze myone ah raklap in anmah thuthup simtu dingah a hlan ihsin an rak hman ringringmi a si ih ,ram buai hnu khalah an hmang tangkai peh. A hlan ahcun Taze myone sungih thing phur thup tivek an um asile ralkap hnen ih sim thuptu hna a rak tuan. Ralkap in rampi thuneihnak an lak hnu ahcun ralkap dokalh ih mipi cangvaih dan cu ralkap pawl hnenah a sim theu.

Cuvek ruangah mipi kilhimtu pawl cun,tuini may 23 .zinglam nazi 8:15am hrawngah an nupa in inn sungih an umlai cu meithal in an kap. Meithal kahnak hriamhma ruangah an nupa cun Shwe Oo sizung ah fehpi an si ih sizung ahcun an pa U Thein Shwe Aung sawn cu a thi. An nu cu sizung ah tuamhlawm rero lai a si tiah Taze Agency News cun mipi theihternak an nei.

Be the first to comment

Leave a Reply

Your email address will not be published.


*