Ralkap In Christian Biakinn An Siatsuah Hnuah Pastor Le Rualban Lo An Kai

Myanmar ralkap cun may 23 sun ah Yangon , Insein veng thar, kah/4 zin ih Karen Christian biakinn cu an luhcilh hnuah biakinn an siatsuah ih Pastore le rualban lo tel in mi 3 an hruai cih.

Cuti, Ralkap in biakinn an siatsuah tlunah Pastor ,rualbanlo le midang pakhat an kai cu thuhla fumfe khal theihmi nei loin an tuahmi a si. Llamzin ah meithal keng pakhat midang mawtaw longin Biakinn lam a feh ruangah tiah an ti. Cuvek men in Biakinn an siatsuah ih ,Pastor le rualban lo an kai phah. An kai men siloin thihnai suak ko an vel tiah venghnen mithmutu pawl in an rel.

Thilthleng hmutu pakhat cun “Ralkap pawl cun Insein vengthar ih Karen biakinn cu sangka tawh an sutbal hnuah an luhcilh ih a sung thilri cu duhduh in an siatsak vivo. Cumi hnuah pastor le rualbanlo tel in mi 3 an kai. An kaihmi pawl cu an hrem , an vel ih thihnai suak in an um. Ralban lo rori kut an thlak cu a rapthlak lawlaw. An cangvaih dan cu minung cangvaih dan ding a bang lo. Meithal le mawtaw long mi pakhat biakinn lamah a ra tlan timi hmangin biakinn siatsuah le mi 3 kai an si,” tiah a ti.

Be the first to comment

Leave a Reply

Your email address will not be published.


*