Ralkap In Raldonak Vanzam Hman Theinak Thu A Suah Ruangah A Zanzan In Mipi An Tlan

Tui dinhmun Sagaing ramthen sungin mipi humhimtu le ralkap doawknak nasa bik cu Kani myone a si ih Chindwin tiva tluanih um khua pawl an si. Tui thla thokin do aw rero zo an si ih kan dung khalah mipi humhimtu lam cun ralkap tam tuk an rak that.

Hivek ruangah ralkap cun Kani myone ah ralkap dang a kuat ciamco betih a tul a si ahcun vanzam khal in kap mai uh tiah thu a suah. Kani myone ah meithal hmet puak theinak le vanzam in kah theinak thu a suah veten mipi cu may 26 ah a zanzan in khua an suahsan ih hmunhim ah an tlan.

Kani myone in khua 20 lenglo cu khua suahsan an si ih hrekkhat dam cak lo, kum upa tivek tlunah khua suahsan rem lo lawlaw pawl lawng khua ah an um. May 25 sun khalah mipi humhimtu le ralkap cu an do aw nasa ih ralkap lamin puak thei ralthuam picang vei 30 lenglo an kap. Cuvek hnuah ralkap cun may 26 in vanzam khal hman theinak a suah cu a zanzan in mipi an tlan phah.

Mipi humhimtu lakin pakhat cun “A hlanih kan doawk ahcun khua mipi pawl cu khua thawn hla tuk lo ah an tlanih an beu. Mipi humhimtu in ralkap kan do tikah ralkap cu mipi umnak ah an tuan ciamco theu cu mipi an tlan phah. Mipi umnak ah ralthuam picang le puak thei an kap ciamco theu. Cuvek ruangah khua suahsan an si. Tu ahcun vanzam hman theinak thu an suah ruangah mipi hrekkhat cu khua in hmunhla deuh ah an tlan a si,” tiah a ti.

Be the first to comment

Leave a Reply

Your email address will not be published.


*