Ralkap In Thuneihnak An Lak Hnuah Kum Kim Lo Nauhak 73 An That Zo

Myanmar ralkap in February 1 in rampi thuneihnak an lak hnuah kum kim lo nauhak 73 an thah zo thu hminsinnak felfai nei NUG cun mipi theihternak an nei. Ralkap thahmi nauhak 73 lakah nunau 9 an tel ih mipa 63 an tel. Mipi an thahmi zaten cu 850 tluk a si zo.

Kum kim lo ti a si ruangah kum 18 hnuailam a huap thluh. Cazin an lakmi cu February 15 in may 15 tiang a si. Hrekkhat cu lamzawh duhphorhnak ih kah thatmi an um ih hrekkhat cu innsung ah ummen cingin kah thatmi khal an um. Hrekkhat asile inn hmai lamzin ih lek rero lai kah thatmi tivek an si. NUG in rakap thahmi nauhak thi 73 an um zo thu a tarlangmi ah Ralkap in khawpi pumih a domi Demoso le Khani khua ih nauhak thi cazin an telh man hrih lo thu khal an tarlang cih.

Ralkap in nauhak 73 a thahnak hmun pawl cu Myintkyina ah 1, Kale ah 2, Shwebo ah 1, Mungzua ah 2, Tilin ah 1, Mindat ah 3, Yaysakyo ah 1, Magway ah 1, Taungdwin ah 1,Pathein ah 5, Yangon ah 13, Daawei ah 2, Launglon ah 1, Kawthaung ah 2, Myeik ah 2, Mawlamyine ah 1, Hpa-an ah 2, Bago ah 4, Hpapun ah 1, Myeiktila ah 1, Windwin ah 1, Myingyan ah 6, Mandalay ah 17, Madaya ah 1 le Muse ah 1 tipawl an si thu NUG in an tarlang a si.

Be the first to comment

Leave a Reply

Your email address will not be published.


*