Raltlan Mipi Hrang Khawsung Ih Eiin Latu Mino Pahnih Cu Ralkap In An Kap That

Kaya ramkulh Demawso khawpi kiangih raltlan pawl hrang khawpi sungah feh in eiin laksaktu mino pahnih cu ralkap in may 27 an kap that.

Demawso mipi humhimtu le ralkap cu a ni peh in do aw zo an si ih ralkap lam thi an tam. Culawng siloin ralkap le palik damlai 4 khal Demawso mipi humhimtu in an kol hrih. Nikhat lawngah ralkap 20 that thei an si ih ralkap lamin a huphurh tuk.

Cuvek ruangah ralkap cun Demawso mipi humhimtu pawl cu vanzam le tank hmangin a do phah nan, Mipi humhimtu lam an duai thei lo. Nitin deuh thaw in an doawk ringring ruangah mipi hrekkhat cu khua ah um ngam loin hramlak ah an tlanih raltlan 10000 hrawng an um zo.

Raltlan mipi ei ding la in khawsung ih feh mino pahnih Alfred Ludo le Patrick cu tuini may 27 ah ralkap in lamzin ah an rak hmu ih ziang thu khal sut loin a kap that cih hngal. Cumi hnuah a ruang khal ngaihsak loin an tlansan men cu mipi in an sarfang a si.

Be the first to comment

Leave a Reply

Your email address will not be published.


*