Rampi Thuron Daw Suh Kyi le President Win Myint Cu Hmaiton In Thusuh Thok An Si

Rampi thuron Daw Aung San Suh Kyi le president U Win Myint tei pahnih cu ralkap in an kaih hnu thla 3 le hrek hnuah hmaiton in Court ah an langter ve ih thusuh an thok.

A hlan ahcun rampi thuron Daw Aung San Suh Kyi le U Win Myint cu online video hmangin thusuh le an thubuai relsak theu an rak si. May 24 cu kaih an si hnuah a hmaisa bik hmaiton in Court ih an lang vei khatnak a si ih anmah buaipitu sihni pawl khal hmaiton in an be thei. Cumi ah Daw Suh cu minute 30 sung caan pek a si ih amah buaipitu sihni pawl hnenah myanmar mipi an umsung cu NLD party a um ringring ding thu a sim.

Daw Aung San Suh Kyi cu Naypidaw ah thubuai 5 le Yangon thubuai 1 tiin thubuai 6 orhter a si ih president U Win Myint cu Naypidaw ah thubuai 2 orhter a si. Daw Suh ih thubuai pawl cu covid 19 daan thlun lo,kiangkap hnaihnok , ram hminseter, thupte lalut le kuat suak, dik loin lalut tivek pawl an si. President U Win Myint cu covid 19 daan thlun lo timi le rampi hminseter tlunah phatsan timi thubuai an orhter. AN lakih tel pakhat cu NLD cozah san ih Naypidaw uktu a si.

Be the first to comment

Leave a Reply

Your email address will not be published.


*