Taunggyi Ih Bomb Puak Ah Palik Pakhat A Thi Ih Palik Dang Pahnih Hriamhma Tuar

Shan ramkulh Taunggyi khawpi zinpi ih bomb puak ah palik pakhat a thi fel zo ih pahnih dang pahnih khal hriamhma bese tuk an tuar. Bomb cu may 20, zanlam nazi 5:55pm hrawngah puak a si.

Mi pahnih bike in phur aw cun lamzinpi laiah sarang ih thilfunmi an tanta ih an tlansan. Cumi cu lamzin vak mipi ,mawtaw le bike feh pawl in an hmu nan, zokhal zoh loin an fehsan vivo men. Zinpi zir ih duty palik pakhat hawkdak cun lamzinpi lai ih retmi thilfun cu a va pan hnuah a ongih a zohfel. A zoh rero laiah palik dang pahnih in an va naih ve ih an umkhawm lai ciah ah bomb cu a puak.

Bomb puak ruangah palik pakhat cu a hmunah a tlu cih ih palik dang pahnih cu bomb puak betin an taksa a ngah veve. Palik tlu cu zamrang zetin sizung fehpi a sinan, may 20 zan thotho ah a hriamhma naa tuk tuarsuak thei loin a thi. Palik 3 cu ralkap in fawm hruh loin mipi thlingthlatu dingah an fialmi an si ih pakhat a thih thu khal mipi theihter an duh lo. An sungte malte lawng telter in vuinak an neihsak ih mithi cu palik siloin mipi thi ah ralkap cun an suah tum.

Mithi rualpi pakhat cun “A hriamhma tuarmi ruangah sizung ah a thi fel zo. Aungpan sizung ah vuinak an nei cih ding tiah ka thei. Palik thi cu mipi theihter an duh lo ih fawm hruh lo a si ruangah mipi menmen thi in thanter an tum a si,” tiah a ti.

Be the first to comment

Leave a Reply

Your email address will not be published.


*