Tedim Mipi Humlhimtu Cu Zomi Army In An Kap Ih Thilri Ting 30 Man An Laksak

Chin ramkulh Tedim khawpi ih mipi humhimtu pawl cu India le Chin ramri ah raldo zir in umhmun an khuar ih may 22 zing ah Zomi Army tiah kan theihlarmi Zomi Revolution Army ( ZRA ) pawl in an do thu anmah rori in Myanmar Now an simthei.

Tlansuak ngah mipi humhimtu pakhat cun “Zinglam kan thofang a si. Hlaral in thawmvang an nei ih “ZRA kan si” nan himnak dingah tlanzang uh tiah in auh. Cumi rual cun meithal an kap puak ciamco. Minute 20 hrawng in kah hnu khalah Zomi tong in an biakawk kan thei ban. Kan thilri zianghman kan la man lo ih phone ,Camera tlunah meithal zun 5 le ting 30 man hrawng thilri in laksak. An lak thluh thei lomi kan thilri dang khal an vaw siat thluh a si,” tiah a ti.

Zomi Army pawl cu India ram Manipur hrambun ralthuam kai an si ih ziangruangah an miphunpi Tedim zomi pawl an do, an kap timi cu theih a silo. Anmah khal in ca an suah hrih lo ih ,thusuhnak khal an let hrih lo. Hrekkhat cun Zomi Army cu meitei ralthuam kai bangin Myanmar ralkap in remnak an tuahpi ih anmah miphunpi an do si ko ding tiah an ti ve. Zomi ti tikah India ramsung ih zomi le Myanmar ramsung ih zomi an um ih Zomi Army ZRA cu India ram Manipur hrambun ralthuam kai an si.

Be the first to comment

Leave a Reply

Your email address will not be published.


*