Thailand In Myanmar Ralkap Cu Phone Men Siloin Ca In Ralrinnak A Kuat Ding

Ramri ih Myanmar ralkap pawl cangvaih dan ah Thailand an lungawi lo thokih Myanmar ralkap hruaitu pawl cu phone in be men loin ca in ralrinnak a kuat ding thu Bangkok post cun a tarlang.

Cumi cu ziangdang ruangah siloin may 20 sun ah karen le Thailand ramri ih um Myanmar ralkap pawl cun bomb tenau an kahmi cu Thailand ram sung Hong Son peng, Phan Thaphaw khua kiangah a tlak ruangah a si. A hlan khalah Myanmar ralkap cun ramri ih duty nei Thailand ralkap pawl cu Karen ralkap KNU ah ruat in a rak kap sual zo. Cumi ruangah ram pahnih cu ramri ah an rak tongaw ih Thailand lamin ralrinnak an rak pek tikah Myanmar lamin ngaithiam an rak dil ih an rem aw thei.

Tuitum cu Thailand lam an sosang zet thlangih ralbawi picang Lieutenant General Susat in ralrinnak a pe ding. Ralrinnak cu ca in Myanmar ralkap hnenah kuat a si dingih tui zarh sung rori ah an kuat ding. Ziangtin ralrinnak an pe ding timi lawngte ralbawi in relnak a nei hrih lo. “Kan ramsung ah Myanmar ralkap ih kahsuakmi puak thei vei 3 a tla puak ih meikhu pungin simfiangnak kan neih hnu lawngah an cawl. Neta ah thleng nawn lo dingin ralrinnak cakuat an si ding,” tiah a ti.

Be the first to comment

Leave a Reply

Your email address will not be published.


*