Tlawnginn Kang Mit Dingih Feh Mitat Pahnih Cu Lamzin Ah An Thi

Sagaing ramthen Indaw myone Sattaw Kone khua ih lailak tlawnginn cu tuizing nazi 2:30am hrawngah a kang ih tlawnginn kang mit dingin feh mitat mawtaw cu lamzin ah cangsual in mitat pahnih an thi tiah Indaw Mitat zung in thu an suah.

Sattaw kone khua ih lailak tlawng cu may 26, tuizing zinglam nazi 2:30am hrawngah a kang ih thuhla an don veten meimit mataw cu Indaw in Sattaw kone khua an pan cih. Manhlap tukin an mawn tikah lamzinpi ah an cangsual ih an mawtaw cu a let. Mawtaw let ah mitat pahnih Ngyin Htet Oo ( kum 24 ) le Aka phyo ( kum 21 ) an thi.

Indaw myone mitat zung ih hotu cun “Sattaw kone khua tlawnginn kang mit dingah zamrang zetin feh kan si ih lamzin ah kan cangsual. Kan cangsualnak ah mitat pahnih an thi. Sattaw kone khua ih tlawnginn kang khal a caan ih kan thlen thei lo ruangah a rak kangral thaw khat cu a si,” tiah a ti.

Be the first to comment

Leave a Reply

Your email address will not be published.


*