Tlawngkai Lo Ding Tiah Duhphorhnak Nei Kum 16 Nute An Hrem Ding Thu An Suah

Ralkap cun june 1 in tlawng an phuan thlang ding thu mipi theihternak an rak nei zo ih may 24 in tlawng hmin pek thok ding caan an tuah. Cumi ah mipi tamsawn cun ralkap hnuaiah tlawngkai an tum lo ih tlawngkai lo dingin duhphorhnak neih rero a si.

Yangon , Mingaladung khalah kum 16 nute Mah Saung Thazin Nwe cu may 22 ah “Zohman ralkap kuthnuai ahcun tlawng kan kai lo pei uh” timi cate cu tlawnginn kulhnak ah a ben vivo ruangah ralkap cun an rak kai. Tu ah kum 16 fang a si ih kum 18 a kim hrih lo ruagnah nauhak daan vekin a thu cu rel ding sihmansehla ralkap cun kum 18 a kim zo ih daan vekin hremnak kan pe dingah thu an suah.

Mah Saung Thazin Nwe cu may 22, zinglam nazi 6 hrawngah Yangon Mingladung ahmat 6 tlawng kulhnak ah zohman ralkap kuthnuai ah tlawng kan kai lo pei tiah catar bet a si. Ca a tar lai cu tlawnginn kiltu in a hmuh tikah veng uktu a phone hngal ih veng uktu in ralkap a sim hnuah Kum 16 nute cu an kai. A sungte pawl cun “Ahmatpungtin le tlawng hmin peknak khalah kum 16 rori a si. Asinan, ralkap cun kum 18 a kim zo tiah ca an suah ih anmai daan suahmi vekin hremnak an pe tum a si,” tiah an ti.

Be the first to comment

Leave a Reply

Your email address will not be published.


*