Tonzang Le Tamu Khua Cu “Stay At Home” Thusuah A Si

Myanmar ih covid 19 nat nei thar an hmuh ciamco hnuah covid 19 nat nei thar an hmuh tamnak bik Tamu le Tonzang peng cu may 29 in ‘Stay At Home” thu an suah.

Tamu ah covid 19 nat nei thar 53 an hmu ih Tonzang peng ahcun Cikha ih thawsam buai pawl lakah covid 19 nat nei hmuh rero a si. Sibawi le sizung hnatuan tam tuk cu CDM an tuah ruangah Tamu le Tonzang ahcu sibawi le sizung hnatuan khal an daih aw lo tuk tiah Dr.Khin Khin Kyi cun a rel ih sii siseh tulsammi ziangkim Yangon in an kuat cih ding thu khal a rel tel.

Myanmar ah covid 19 nat nei 14000 lenglo an rak hmu zo ih cumi sungin mithi 3216 an um. Tui dinhmun cu India ramri tihnung bik ah ret a si ih ramri lut suak kham dan ding khal hngetkhoh sin in an buaipi ding thu Dr.Khin Khin Kyi cun BBC thuthang a simthei a si.

Be the first to comment

Leave a Reply

Your email address will not be published.


*