UEC Thar In NLD Party An Hlonhlo Tumnak San An Rel Ih CNLD Khal A Him Tuk Lo

Tuini may 21 ah ralkap ih dinmi UEC thar hohanak in rampi hrilawk ding thu ah avei hnihnak meeting neih a si ih Myanmar ramsung ah pary 90 lenglo um sungin party59 an tel tiah theih a si. Meeting ih tel lo party lakah NLD an larsar ih Chin party CNLD thu a hnok zet.

Meeting ahcun UEC hotu thar U Thein Soe cun “2020 rampi hrilawknak ah daan loin khua a khangtu ,tawlrel ciatu NLD party cu Myanmar ram politics in hlonhlo dingah tan kan la rero lai. Cumi rualrual in dik lo zetih khuakhang dingah hramthoktu NLD party hruaitu pawl khal Myanmar ram Politics ih tel thei nawn lo dngin kan tawlrel rero lai a si,” tiah a ti.

Tui tum cu ralkap ih dinmi UEC thar hnuaiah meeting an neih vei 2-nak a si ih hmaisa sawn ih kai lo cu tui tum khalah meeting an kai lo. Meeting kai party pawl cun meeting kai lo party pawl cu an party hremnak pe in hlonhlo dingah UEC thar thurawn an pe ih UEC khal in an ngaihtuah hngal ding thu in an sim ve. Cumi cu meeting hmaisa sawn khalah an rak rel zo.

Curuangah ralkap in thuneihnak an nei vivo ih an thuneihnak hnuaiah hrilawknak an tuah thei pang asile Chin party CNLD khal an zuam thei hmel lo. Ziangahtile, ralkap kuthnuai ih meeting kai party pawl in an hminsiatnak thup-hlo dingah meeting kai lo party pawl cu hlonhlo dingi UEC an nor rero. Cutilai in Pu Tho Than Kap cu meeting a kai tiah theih a si ih CNLD cun kan theihpi lo tiah an ti ve.

Be the first to comment

Leave a Reply

Your email address will not be published.


*