UN In Myanmar Mipi Hrang Thiltha Tuk A Tawlrelmi Cu ASEAN In Dokalhnak Ca An Kuat

Myanmar ram buainak ah UN cu amai hna bangin theitawk tan a la rero ve ih ralthuam hmangin cangvai lo hman sehla Myanmar ram buainak tifel dingah a phunphun in tan an suah.

UN In ralthuam hmangin ram buainak a relfel timi cu theih ding a vang zetih a rel ten relpi in remnak a rak tuahpi rero sawn a si. Cumi ah relpi an theih lo asile cozah hersuak thei lo dingin a phunphun hremnak an pe. Tukhalah UN cun UN member sungih um ram zate cu Myanmar ralkap hnenah ralthuam zuar nawn lo dingin kham thluh a tumih anmah te thurelnak ah ram 48 in an lungkim zo nan, ASEAN ngaih dan kan hngak hrih dingih kan relpi ta ding tiah thusuah lo cun an rak um.

Latvia UN Palai Seorg Sparberi

Cumi cu ASIAN lamin an rak theih tikah Myanmar ralkap hnenih ralthuam zuar kham thluh ding cu an duh lo thu, rem an tilo cu ca an kuat. ASIAN in UN hnenih ca an kuatmi cu Latvia UN Palai Seorg Sparberi in TV thuthang hmangin leitlun theih ah a rel darhmi a si. Cumi thuhla thawn pehpar aw in ASEAN hruaitu pawl cu media picang zetzet in an be rero nan, ziangthu hman an rel duh hrih lo.

Cumen siloin ziangruangah Myanmar ralkap hnenah ralthuam zuar kham thluh ding an duh lo, ziangmi si an duhlonak san bik timi khal ASEAN cun relfiangnak an nei cuang lo ih an duh lo, an dokalh thu cu UN ah ca an kuatmi a si. ASEAN pawlkom ah ram 10 an tel ih Myanmar tel loin ram 9 lungkim ih ca kan lo kuatmi a si tiah a ti bet. ASEAN pawlkom ahcun Brunei , Cambodia , Indonesia , Laos , Malaysia , Myanmar , Philippines , Singapore , Thailand le Vietnam pawl an tel.

Kan dung thla lamah Myanmar ralbawi Min Aung Hlaing tel in Myanmar ram buainak cu ASEAN in an rak rel zo ih remnak 5 an tuah. Remnak an tuahmi lakin ASEAN Myanmar palai kan ruat ding an timi cu tuini tiang an ruat hrih lo ,ASIAN mithiam khal Myanmar ah an lut hrih lo. Cubet ah ralbawi Min Aung Hlaing cun Myanmar mipi an daih felfai lawngah ASEAN mithiam pawl cu Myanmar ah luh sian fang an si ding tiah a rak rel zo a si.

Be the first to comment

Leave a Reply

Your email address will not be published.


*