Wet Kone Lilawnpi Cu Bomb In Puah Siat Cim A Si

Kachin ramkulh Mohhyin District Hopin khawpi kiangih Wet Kone Lilawnpi cu mizan , may 24, zan sim hnuah bomb in puak siat cim a si ih mawtaw le bike tivek in feh lan a theih nawn lo.

Wet Kone Lilawnpi cu Kachin ramkulh Myintkyina khawpi in Mandalay khawpi fehnak zin tluanih um lilawnpi a si. Linlawn puah siat cimnak ih an hmanmi bomb puak cu a ring tuk lawmmam ih kiangkap khua mipi in an thei ban thluh. Asinan, zan sim hnu ahcun zohman in zoh ngam loin tuizing may 25 ah mipi cun an zohkhawm.

Tuhrih tiang ahcun zoin bomb a puah ,ziang pawlkom an si timi cu theih a si hrih lo ih ralkap siseh KIA lam siseh thusuah zianghman an nei hrih lo. Lilawn cu Mandalay khawpi in Myintkyina fehnak khal a si ih tuahtha sal dingah sumpai tamzet cem ding.

Kiangkap ih um pakhat cun “Mizan nazi 8 in zan nazi 11 tiang meithal puak awn kan thei. Lilawn an puahsiat cim cu a ring tuk lawmmam ih a zan ah kan zoh ngam lo. Tuizing lawngah kan va zoh cu bike mawng pakhat thi kan hmu. A taksa a thekdarh aw nasa. Lilawn kiangih phungki tlawng sangka thlalang pawl khal an kuai ban. Cumi ah phungki pakhat hriam tuar a um a si,” tiah a ti.

Be the first to comment

Leave a Reply

Your email address will not be published.


*