Yangon Ih Bomb Puak Ah Ralkap Hnenih Thuthup Simtheu Dalan A Thi

Kan ram myanmar buainak khal hmun tinah a sosang deuhdeuh ih bomb puak theih ding a tam. Tulai ih bomb puaknak hmun pawl cu tlawnginn kiangkap le dalan inn tivek pawl ah a si.

May 27, tuizing zinglam nazi 8 hrawng khalah Yangon thaketa myone Man Pyay ah bomb a puak ih bomb puak ruangah ralkap hnenih thuthup sim ringringtu mi pakhat a thi. Mithi cu veng sungih inn 100 uktu U Phone Ngwe a si ih bomb puak hnuah meithal kah that a si.

An inn kiangih bomb puak zoh dingin a suak ciah cu meithal in an kap that ih a sungte pawl cu an rak relh man tikah hriamhma tuar le mithi dang an um lo. A hnu reilo ah ralkap le palik an thleng cih nan, kaihmi an nei lo.

A kiangte ih um pakhat cun Bomb vei 4 hrawng puak awn kan thei. Bomb puak ruangah ralkap hnenih thuthup simtu lubik tiah an relmi U Phone Ngwe a thi. Amah cu inn 100 uktu a si ih bomb puak hnuah meithal in an kap that tiah an rel. Tu ahcun ralkap le palik an khat thepthep zo a si,” tiah ramsung thuthang a simthei.

Be the first to comment

Leave a Reply

Your email address will not be published.


*