Yangon Ih Mopuainak Hmun Le Meisa Zung Ah Bomb A Puak Ih Thi Le Hriam Tuar Um

Tulai Myanmar ramsung hmun tinkim ah bomb puak thuhla theih ding a tam ih ,May 25, tuini khalah Yangon hmun 2 ah bomb a puak. Hmaisa sawn cu Yangon Shwepita meisa zung ah a si ih neta sawn cu Yangon Thinangyun ah a si.

Shwepita meisa zung ih bomb puak cu zinglam nazi 10 hrawngah a si. Bomb puak ruangah hriamhma tuar an um ih ralkap pawl an thlen cin ruangah cazin felfai in theih man a silo. Meisa zung ahcun meisa man pe mipi tam lai caan a si ih a kiangkap ah palik le ralkap duty an um ringring nan,bomb a puak thotho. Zoin a puah timi cu theih a silo ih rinhlelh kaihmi khal an um hrih lo.

Sun nazi 12 hrawng khalah Yangon Thinangyun myone Zeya thukham zin ih mopuai lomnak hmunah bomb a puak bet. Bomb puak cu mo laksawng pek dingmi tuamnak sungah tel tiah rel a si ih bomb ruangah Monu a thi ti ih an relmi cu neta ah a thi felfai tiah theihfeng a si.

Kiangkap um pakhat cun “Bomb puak awn cu a ring tuk lawmmam ih hriamhma tuar pawl cu sizung an fehpi cih. Zoh kan tum nan,ralkap pawl an thleng cih ih kan feh ngam lo. Dalan thawn pehparawknak a nei tiah theih a si. Monu a besia tuk tiah kan thei ih hrekkhat cun a thi tiah an rel. Neta ahcun a thi felfai tiah theih a si,” tiah a ti.

Be the first to comment

Leave a Reply

Your email address will not be published.


*